LJ Bogen

Blog

Jetzt hom mas!

Jetzat Homas gschoft wir san heil froh und de Skater haum nu länger wos davo!

Präsentation is guad verlaufn, do woan sehr vü Leid auf an haufn.

De geschätzn Ehrngäste san a bissl länger bliebn und hom uns globt sogar de Nön hot des gschriem.

In de letzen Stunden hot de Sun a bissl ausablitzn grod recht zum niedahucka.

Nua am Obnd wo de neichn Bankl ausprobiert und genossen hom, is a Sturm kumma schmö ois eine trogn.

Wir haben es sehr genossen neue Leute zum kennalerna, und vielleicht ergibt se wos a neiche Spuatoat zum liabnlerna.

De Coni hots glei ausprobiert des Boardn in da Nocht, do siachts kana hot sie se docht.

Jugend Neulengboch hot se wahnsinnig gfreit, do siacht ma wieder das ma goa nix bereit.

42 Stundn san schnö vergaunga, owa nächstes Joa wieder do wird ma mit Freindn des Projekt empfaunga.

De Leiter san stoiz auf uns, vüle song wir soin weida Duan wir san super Mädls und Jungs.

Wir san geschaft des siacht ma uns au, dafia woas a rießn fun.

Somit song a amoi DANKE woa a super Zeit bis nächtes Joa.

 

 

Boid is so weit!

Heit in da Friah sama ausn Bett ghupft, und haum ois durchputzt.

De Dia hau ma eine gmocht, dabei hau ma vü glocht.

A pause ghert a dazu, damit de Motivation ned valian.

Noch da Pause geht's weida, damit de Leit nua so staunan.

Coni & Patrick wockln auf da Britschn hin und her, und schupfn d'Hockscnitzl nua so her.

De Pflaunzn san gsetzt, während d'Coni de Pallettn wetzt. 

De Skater san a scho fleißig am werkn, damit se nocher de Leit recht stärken.

An Contest hau ma heite a nu do, des gehrt dazua des is kloa.

David is a scho do und sprayt des Logo drauf.

Wia san scho gspaunnt wenns auf da Waund pickt, das uns voi in de Fingern zwickt.

An Stress hau ma griagt und mödn uns wauns fertig wird. 

 

 

Endli Feierobnd

Heite homa wirkli ois gebn, do kaun ma wirkli nd dagegn redn.

De Wänd san zuwegschrauft und de Hittn erstoit in neichn glaunz, de Eiche Natur woa die Richtige Foabentscheidung do wiad er schaun unsa Bürgamaster da Fraunz.

Hochn Besuch hot a voabeigschau und hom uns ganz genau üwa de Finga gschaut.

Christoph und Bernhard hom uns wos zum tringa brocht, und a bissl an Spaß gmocht.

Des Kaumal homa a scho gschoft, nu schnö de Tia ausreißn daun brauch mas muang nua eineschraubn zauberhoft.

Beim Scheimwerfa nu de Sochn suchn, mei gfrein wia se scho auf de Tuchn.

Ins Auto is ois einegschupft, daham wird glei ins Bettal ghupft.

So laungsam mocht des gaunze a Büd, rundam is owa nu gaunz sche wüd.

Muang dama den Grobn zuaschüdn, das ma schen zuwe geh kau zua unsera Skaterhittn.

Wia winschn eich a guade Nocht den muang geht's weida in da schlocht.

 

 

 

Skate & Break

Wia san scho fleißig am lackieren, dazua muas ma a poa wieda animieren.

De Denkaeckn hot se zaumgsetzt mit de Skatercker.

Wie wird wos funktionieren und am wichtigsten wechan Naum wird des Porjekt haum, do hauma olle zam buchstabiern augfaungt.

,,Skate & Break" - ,, Fiat nächste Pause haum de Skater a neichs Zuhause!"

Gott sei daunk so wird's jetzt hoaßn und de Gruppn, san nu meha am zaumschwoaßn. 

Blumen hauma a scho kaft, des Doch drauf de Burschn schnaufen auf.

 

 

Zmittog

Zwöfe Zmittog de Kirchnglockn leitn, des kau nua ans beidtn.

A guade Pizza homa gessn, do sama nu olle am Bodn gsessn.

Wie geplant des Gerippe steht und da Wind ned zweng weht.

D´Anika is fleißig am denkn, weu de Flyer miaß ma nu heit aun de Leid verschenken.

Mitn Hoiz wiad umadum gschossn, und a poa Leit san nu hinzugstoßn.

D´Menscha san am frogn waun se endli Streichn diafn, owa da Manfred sogt erna nu wauns miasn.

So dama a bissl zaumrama, weu wies umadum ausschaut do mias ma se jo schama.

Britschn foat hin und her auf der Stroßn, und da Stefan schaut gaunz genau auf de Pfostn.

Ihr werts wieder von uns hean bis boid, weu wia mochn nu laung ned hoid.

Morgenstund hat gold im Mund

Heit is fia los gaunga um siebane in da frua, kaum homa wos gmocht ging scho um Mittogsmenü.

Dehnübungen homa a brav gmocht und glei in da Frua a bissl glocht.

D´Schuach wean schnö nu amoi bundn,sunst mias ma am Schluss nu wem verbindn.

D´Boikn san nur so gflog, schnö aufe auft Britschn und ume zum Park do haum olle auf an Straung zogn.

Bevor ma augfaungt hom zum bohrn, hauma festgsöt das ma kann Strom haum fia de Motorn.

D´Zeit vergeht wie im flug, wia gehm ois bis zum letzn Atemzug.

Des Gerippe wird Z´mittog steh, do mias ma owa nu einige Schrauben einedrahn Ohje.

Natrilich deaf eins ned föhn, Jausenpause muas hea dama de Buam nd gwöhn.

A Leberkassemme am Vormittog, des mocht uns fit bis Z´mittog.

Drum Spuck ma fleißig ind Händ, daun stengan a boid de Wänd.

 

 

Guade Nocht

Do sama wieda wie versprochn und des Essen homa a scho besprochn

D´Stefi woa so liab und hot uns an Kebap brocht, in da Pause homa recht vü glocht.

De Scheinwerfer san am Brenna, de Stichsog am renna, unsare Burschen zang wieder moi wos kennan!

Coni & Anika san fleißig am dichten, das ma eich vü berichten.

Den Naum überleg ma se überdnocht,  heite hauma scho zvü docht.

Unsere Skater dama a mit einbeziang, das muang auf an Sprung vorbeiziang.

Heit werd ma daun boid aufhean, damit ma in da Nocht kann stean.

Muang um siebane geht's weida, daun sama vielleicht gscheida.

Mit de heitigen Ziele sama scho fost am fertig wean und muang wead ma eich wida mit Infos beehrn.

Wia wünschen eich a guade Nocht, de Schfal seng ma scho gaunz fern.

wir hupfen jetz ins Bett, wö miad sama scho komplett.

Projektübergabe

Um 19.00 ging´s los,im Gsicht woa de freit recht groß.

Neulengbach woa heier unsa Zü, do hot se da Bürgermeister Franz Wohlmuth überlegt sehr vü!

D´Sandra hat des Projekt mid im Gebäck ghobt,do hots uns de Motivation glei aubogt.

De Aufgob hoast:

  • Für de Skateboader ein Unterschlupf mit a bissl an Stauraum baun
  • Bänke und Tische das a wos zum Sitzen haum
  • Zusatzaufgob soi sei, das fia de Landjugend und den Saktern a gemeinsaumes wohlfühlendes Heim.

Unsare Idden brudeln im Kopf, de Burschen haun auf jeden Nagelkopf.

De Menscha soin se ned kränken und dan fest die Hompage mit Blog lenken.

Wia song jetzat amoi bis später and See you Alligator!

POWERED BY:
ISO certified LJ Balken
Europäischer Landwirtschaftsfonds für die Entwicklung des ländlichen Raums: Hier investiert Europa in die ländlichen Gebiete.