LJ Bogen

Blog

6. Gstanzl "AussichtsReich"

Text:

Noch 42 Stund,
ist es soweit,
jetzt grinsen wieda
de Lj-Leid.

A Punktlandung kauma
des wiedamoi nenna,
ein großes Hoch
auf unsare Männer.

Jetzt is es vorbei,
jetzt homas gschofft,
wir gfrein uns sehr
und da Bürgermeister locht.

"AussichtsReich"

De Zeit is jetzt um,
und wir homs wiakli aufgstöht
unsa riesen Trum.

Stolz kinnma wiakli auf uns sei,
und abissl miad sama jetzt obentrei.

Noch 42,195 h,
de Aussichtsplattform sicher zu sehn,
is extrem vü Oawat gwen. 

Owa mit Teamgeist, Voigas und gnua Freid,
homas gschafft, des Projekt bis heid!

Vo an aundan Blickwinkel is jetzt Göstling zu sehn,
deshoin woa uns da Name "AussichtsReich" angenehm!

#esistvollbracht#hochhinauszufidisbaumhaus

5. Gstanzl

Text:

Seit 6i sama
schowieda am werken,
es bleibt heit ned vü Zeit,
um uns zu Stärken.

Die Zeit rennt boid oh,
und 14 Uhr naht,
sche longsom weama
abissal schmähstad.

Wir ackern und ackern
und werken und dan,
de Buam san sche laungsom
am durchdrahn.

Sonntag Vormittag

Da letzte Tog is angebrochen,
hoffantli wean ma des nu schoffen.

Wir hom nu gaunzsche vü zan doa,
weil unsa Baustöh de is hoid wirkli ned kloa.

Da Steg der wird scho fiadi gmocht,
de Bleame wean gsetzt in wunderboara Procht.

Samstag Abend

Sun de geht auf,
Sun de geht unter,
doch wir bleiben trotzdem munter.

De Scheinwerfer leichtn recht höh,
das ma weiterhin oawatn schnö.

So langsam nimmt der Steg Gestalt an,
sodass man ihn morgen bestaunen kann! ;)

4. Gstanzl

Text:

Da Pfosten der bast
hint und foan ned,
owa unsan Burschen
is des ned zbled.

Se nogln und nogln,
se schneiden und schnitzen,
dabei kemans wiakli
gaunzsche ins Schwitzen.

Da Flo und de Michi
de san recht am treim,
mit da heitigen Nochtschicht
weama in da Zeit bleim.

Samstag Nachmittag

Vorangeschritten ist die Zeit,
owa wir san nu ned wiakli weit.

Da Aufgang is ned do, is Klander a ned,
wir hoffen, dass sie des ausgeht.

Owa oans is gewiss, des song ma eich ah,
wir wean de gaunze Nocht weida auzah.

Drum sama imma nu positiv gestimmt,
dass des Projekt bis morgen gelingt.

3. Gstanzl

Samstag Vormittag und Mittag

Mahlzeit!

Vü is passiert, Zmittog is woam, 
de Leberkassemmel san fia uns scho woam.

Des Gerüst vo unsan Projekt, des steht scho bereit,
zan fertig mochn in naher Zeit. 

 

2. Gstanzl

Text:

De Burschen und Madln,
dan howin und sagln,
heit bau ma int Heh,
holladije.

Hoch is unsa Kircha,
hoch is unsa Grüst,
hoch woi ma hinaus,
bis ma d'Woikn küsst.

Vü siacht ma nu ned,
wir mötn uns nu,
woats auf z'Mittog,
wauma mehr baun dazu.

 

Morgenstund hat Gold im Mund

Guten Morgen!

Nach gestrigem langen Arbeiten,
wollen wir heute wieder durchstarten.

Unsare fleißigen Burschen und Madeln,
san scho recht am hobeln und sageln.

De Motorsog rennt scho seit 6e in da fruah,
des gibt woi lenga koa Ruah.

Mit recht vü Motivation gehts weida heid,
damit ma moang haum recht a Freid.

A bissl wos fias Hian des schod nu koan,
des wean ma eich a bei unsan Platzal zoang.

Es bleibts imma am neichstn Stond,
mit unserem legendären Blog-Account.

#hochhinausmitfidisbaumhaus

Projektmarathon Freitag Übergabe

Projektübergabe am Freitag Abend

Aufgabenstellung: "Aussichtsturm und Baumwipfelweg"
"Errichtet am Platz vor dem Gemeindeamt eine Aussichtswarte in einer Höhe von ca. 4 m von der aus man den Blick über den Dorfplatz mit Kirche genießen kann. Diese soll mit einem Baumwipfelweg erreicht werden und ist ca. 10 m lang."

Grias eich liabe Leid!
A wir, de Gestlinga Lj, mochn uns bereit!

Mit Hoiz, Beton und abissl Hirn,
wea mas des Joah a wieder probiern.

Heuer geht es hoch hinaus,
mit an Aussichtsplatzerl beim Rathaus.

An schen Weg durt hi wean ma eich richtn,
und vü in de Medien berichtn.

Mid Videos, Fotos und Gstanzl wean wir eich am laufenden hoidn,
und fia eich a einzigortiges Platzl gestoitn. 

Text zum Gstanzl:

is Projekt homa griagt,und jetz gehts los,
oans is Gewiss es wird wieda groß.

Drum stöh ma an Aussichtsturm am Dorfplatz auf,
hoffantli geht do kana drauf.

Corona du kaunst uns ned sigiern,
Los gehts mit Babyelefant und vü Hirn.