Blog

Grias eich! I bins da Waldi, vielleicht kennts mi jo nu von letzten Joah. Der Startschuss für den Projektmarathon 2022 ist gefallen. Wia erneuern dieses Joah unsan Spüplotz (Balancierbalken, Baumhaus, Sandspielplatz). I gfrei mi sehr eich durch unsa Projekt leiten zu deafn. Unsare Buaschn und Mädls san schon foi motiviert und mochn an supa Job. Auf Instagram und Facebook so wie am Blog wead i eich am laufenten hoidn, oiso schauts fleißig voabei und untastüzts uns.

Startschuss

Gestartet homa indem ma des oide Baumhaus weggagrißn und des Hoiz weggfiad hom. Trotz Schlechtwetter mit Regen loss ma uns nd ohoidn und starten bei da Sandkiste, wo ma de Pfosten ausareißen. Jetzt sama grod dabei des Baumhaus neich aufzustön, da Grundriss steht amoi. Noch ana klanen Pizzapause weama nu a wengl weida oabeitn und uns moang in da Frua treffn um unsa Projekt weida zu führen.

Nochdem mei Landjugend gestan wetterbedingt scho a bissal friara Schluss gmocht hot… Wos ich oba voi vasteh, es hot echt gaunz sche gregnet, geht’s jetzt um 6 Uhr scho wieda weida. I glaub des wird nu a launger Tog fia se. I hüf zwoa heia a brav mit owa eich kauis jo song, i glaub I wia boid amoi a Nickerchen eilegen. De gaunzn Arbeitn im Freien, is a Maulwurf wia i nd so gwohnt. Owa bei da Sandkiste, do hob i gestan wiakli scho vü gebuddelt!!

Es glaubts goa nd wos mia jetzt fost passiert is!! I bin wie i vorhea scho angekündigt hob, a wengl schlofn gaunga, während meine Burschen und Mädls fleißig weida goabeit hom. Wenn mi mei Landjugend jetzt nd aufgweckt hätt, hätt ich de guade Jausn, de ma von unsara Gemeinde griagt hom vaschlofn. I muas wiakli song so a Wochenend is richtig aunstrengend und wia hom sie de Jausn richtig vadient. Danoch sama gestärkt und kenan weida Gas gem.

Noch unsara Jausn, de übrigens sehr guad woa, hom olle wieda fui vü Energie ghopt de ma natürlich glei in de Arbeit gesteckt hom. A poa von unsere Mitglieder san nocha glei zum Balancierbalken gaunga und hom den gegen den neuen ausgetauscht. A unsere Mädls san supa dabei, de bemalen nämlich grod de Schüda füa de dazugehörigen Stationen, de ma neich mochn.

Ich muas echt song ich bin richtig stoiz auf meine Mitglieder! Mit jeder helfenden Haund kumma näher an unsa Ziel. Die Schilder san scho fost fertig gemald und beim Baumhaus geht a uandli wos da weida. Bei da Sandkiste stengan de neichn Pfostn a scho und schee launsaum nimmt ois Form au.

Es wurde a scho fleißig a Werbeplakat gmoind, wos ma heite glei in Rohr aufghängt hom, oiso schauts gern am Sonntag dem 11.9.2022 um 15 Uhr in Rohr im Gebirge zur Projektmarathon Präsentation vorbei. Wir würden uns olle sehr gfrein, wenns ihr uns a wengl untastützn würdets. Natürlich kennts daun glei die neu erbauten Stationen auf unsarem Spüplotz austesten. Für Speis und Trank is natürlich gesort.

Unsere Mitglieder hom sie an supa Reim für unsa Labyrinth übalegt:

Des Labyrinth is a sch oid,

de Bamen hom fost kan hoid.

Drum miasn gaunz schnö neiche hea,

wia hoffn es gfoid eich ollen sehr.

A bissl gartln des schod kann,

do hod de Landjugend scho an Plan.

Neich auferblühen suis Labyrinth,

dass jeder wieder eine find.

Funktionieren sui des gaunze über Stecklingsvermehrung,

hier nur a kurze Erklärung:

Neu austreiben soin vo da Hainbuche de klan Asterl,

das jeder woas wo da weg geht zum Bankerl.

Bei uns läut ois wie geschmiert. Unsa Baumhaus schaut scho noch richtig wos aus und die Wegweiser san entgültig fertig. Bei da Saundkistn schauts a guad aus und meine Mitglieder hom sie nu wos eifoin lossn füa de aundare Saundkistn. De suitat nämlich umbaud wean.  De Burschen und Mädls hom sie docht se mochn a oat Rafnparcours. Oiso seits gspaunnt! Wia hoidn eich aufn laufenden! Zwischendurch homa a nu Besuch von da Landjugend Niederösterreich griagt. Unsa Viertelsreferent da Peter woa mid an Videograph und unseren Landesbeiräten, Robert, Manuela und Gerald, do. Wia hom sie mega gfeit, dass do woan und sie woan begeistert von unsan Projekt. A an traditionellen Gleichenbam homma auf unsa Baumhaus aufe dau.

 Noch an produktiven und aunstrengenden Tog hom sie meine Mitglieder a guades Essn vadient, drum sans von unsara Gemeinde beim Hotel Kaiser Franz Josef eiglond woan. Wö nu einiges zu erledigen is, is fia meine Bruschen und Mädls nu laung nd Schluss. Beim Baumhaus neigt sich die Arbeit dem Ende zu. Ich bin grod dabei den Tunnel von da Saundkistn zu durchforsten.

Meine fleißigen Arbeiter/innen hom sie heit scho wieder um 6:30 Uhr troffn um nu den letzten Feinschliff zum mochn. Uns bleim jetzt nua mea wenige Stundn üba, oba ich bin ma sicha, dass meine Helfer des mit links schoffn wean.

Unsa Projekt ist vollbracht! Jetzt hoff ma nuamea, dass vü Leid zur Präsentation keman, damit ma ollen zang kenan wos wia do auf de Beine gstödt hom. Am Schluss homa sie nu richtig ins Zeig glegt, so dass ma a rechtzeitig fertig wean.  Ich geh mi jetzt nu Fesch mochn, dass i bei da Präsentation a gscheid auffoi.  Es hod mi wiakli sehr gfreid eich a dieses Joah duachs Projekt leiten zu deafn und i gfrei mi a scho foi auf nächstes Joah und auf weitere vüle schene Momente mit meina Landjugend Rohr im Gebirge.

Wia homs gschofft!! Da Projektmarathon 2022 is voabei. Danke an olle de mitgewirkt hom. Gaunz besonders bedanken mecht i mi natürlich bei da Landjugend und bei da Gemeinde für de tolle Untastützung. Uns hods a richtig gfreit, dass unser Landtagsabgeordneter Franz Rennhofer uns an klanen Besuch abgestattet hod. Es woa a echt cooles Projekt und a sehr schönes Wochenend. Ich bin scho richtig gspaunt auf nächstes Joah und gfrei mi auf noch weitere Projekte.

Hier findt`s nu a Video vom gonzen Wochenende! Projektmarathon Rohr im Gebirge 2022 - YouTube