________________
Unter den folgenden Links könnt ihr unsere Social Media Seiten auf ...
... besuchen. Viel Spaß beim Stöbern!
________________
Wir stellen vor:
Die drei S: sorglos - sicher - spielen
TAG 1 –> PROJEKTÜBERGABE
Liebes Tagebuch...
Scho laung is her...
Do hob i da des letzte Moi wos berichtet, fost a Joah...
De Zeit vageht und heid, am 26. August is wieda so weit!
42 Stunden, viel Arbeit, Bemühungen und Motivation fia unsa neiches Projekt...
I gfrei mi scho irrsinnig, dass i de Erfahrungen wieder festhoidn derf...
„Man darf nicht verlernen, die Welt mit den Augen eines Kindes zu sehen“ -Henri Matisse
Des is a absolut wichtiges Zitat fia unsa neiches Projekt.
Bevor is vergiss da Name lautet „Die drei S: sorglos - sicher - spielen“...
Denn des is uns bei unseren Umbauten am Kinderspielplatz in der Zellhofersiedlung in Haidershofen bsonders wichtig...
Wir werden de Herausforderung annehmen —> den Plotz mit den Augen der Kindern zu sehn, damits a Freid hom
Owa trotzdem a schaun das de Eltern sorglos san & wissen das der Platz sicher aufbaut is...
Die Übergabe:
Natürlich wieder an am Freitagabend, homa amoi erfahrn, wos uns desmoi überhaupt erwoat...
Um 18:00 is daun losgaunga!
Wie imma homa sie in an Kreis aufgstöht, wo uns d Vizebürgermeisterin Monika Fürst und Gemeinderatsmitglied Christoph Schachermayr voller Freid & Begeisterung ois zu unsan diesjährigen Projekt erklärt hom.
Gspaunt & Aufmerksam homa eana zuaghoacht & sie unsare Gedaunken dazua gmocht...
Genaueres zum Projekt:
Wie scho oben kurz erklärt werden wie uns heia um den Spielplatz in da Zellhofersiedlung kümmern und den freindlicher und sicherer gestalten...
________________
Nun foigt a klane To-Do-Liste, damit ma daun jo nix vagessn ;)
• An Hoizzaun um den Platz bauen, damit er va landwirtschaftlichen Grundstücken obgrenzt is...
• Die Spielgeräte aufpeppen mit abschleifen & neu streichen
• A den kleinen Erholungs- & Jausenplatz, der aus einem Tisch & zwei Bänken bestehn soi, designen & bauen
• Um de Sinne & Erwartungen der Kinder z´wecken a Sandkiste bauen & mit Sand befüllen
• Den Platz untam Strommasten neben dem Spielplatz reinign
• hoffn, dass wir des Ois in den 42h mit viel Fleiß & voroim guter Zusammenarbeit schaffen
• & zum Schluss des Wichtigste: Viel Spaß hobn, kreativ sein, niemois aufgebn & den Menschen a Freid machen
________________
FOST HÄTT IS VAGESSN!
Do foid ma ei: Wie jeds Jahr homa wieda a Zusatzaufgabe griagt & heia bedeutet uns des wiakli sehr vü, da es um a Wichtiges Thema geht namens „Gelbes Band“.
Wos des genau is?
...Jedes Joah landet tonnenweise Obst im Müll.
Des gelbe Band is genau dazu do, dass des bestmöglichst verhindert wird...
Es markiert Bäume, deren Obst vo beliebigen Personen g´erntet & mitgnommen werdn deaf!
Des hast:
gelbes Band = Gutes Obst für Jedermann
Gutes Obst für Jedermann = weniger Verschwendung & Müll
________________
TAG 1 –> EINTEILUNG
Liebes Tagebuch...
Zuerst homa sie um de Teams gekümmert...
Heuer treten an: (Trommelwirbel)
1. Team Holzwürmer, ba deren To-Do Liste „Holz“ gaunz oben steht...
2. Team Medienmäuse, de wieder eanare gaunzen Paparazzifähigkeiten ausahaun
3. Team Superfood, de knurrende Mägen scho va da weitn hean
4. Team Obstler, de si um unsere Zusatzaufgabe kümmern
3, 2, 1 —> UNNNDD AUF GEHTS!!
Team Holzwürmer:
Vor eana liegt natürlich a vü Oabeit & gschickt measns a sei... denn der Spüplotz liegt großteils in eanaren Händen. Se hom geplant, gschaud wies am besten gang & schomoi augfaungt mit einigen Sochan. Ahh & da 1. diesjährige Einkauf im Bauhaus woa a scho!
Team Medienmäuse:
Bevor amoi ois losgaunga is hom de Medienmäuse schomoi vorrausdocht & spitzen Fotos vo de Teams geknippst (siehe oben). De Gsichtsausdrücke lossn an de Motivation & Eifrigkeit richtig gspian...Se woan am Tatort und hom Vorher Fotos gmocht, ais Detektive waratns a geeignet, sogoa de 1. Vorbereitungen fia d Präsentation san scho gfoin, sowie da Blogstart, Flyergestaltung & Namensfindungen
Team Superfood:
De knurrenden Mägen woan anscheinend sehr laut, drum hod des Team si glei an de Oabeit gmocht & augfaungt a schmackhaftes Essen vorzubereiten... - nu vor olle aundan!
Es gibt Leberkassemmerl mit Gurkerl.. mhmm!
Team Obstler:
De erstn Bauern in Haidershofen & Umgebung hom scho Besuche va de Obstler abgestattet griagt... Se hom eana de gaunze Gschicht vam Gelben Band genau erklärt & gfrogt, obs an Bam gabat, ba dems de Idee vielleicht anwenden kinnan.
Ach, Liebes Tagebuch…
Es is wieda so sche, dass i da des berichten derf & dass ma olle wieda so wos cooles erleben & wen a Freid damid mocha kinnan.
Bis morgen:)
________________
Tag 2–> FORTSCHRITTE
Liebes Tagebuch…
Noch deara Nochtschicht gestern woas aufsteh in da Fruah ned so afoch... owa de Gewissheit und Freid, dass d Sandkiste fertig is & d Bretter fost fertig gschliffn san, losst de Motivation gscheid steign... a de Medienmäuse hom gestan in späten Stunden nu To-Do Listen gschriebn & nu einige Sochn fia d Präsentation gmocht.
Um 6:00 woa jedenfois is Frühstück im Sprenglraum & a do hobn ma sie gmiadlich amoi üba ois untahoidn & daun is eh scho wieda ans oabeitn gaunga.
Team Holzwürmer:
Se san glei aufn Spielplatz gerauscht & hobn glei moi eana Sandkiste aufgstöht & befüllt... De Zaunpfähle hobns a scho eigschlong & in Spielturm & d Schaukel homs gschliffn. Do geht wiakli wos weida!
Team Medienmäuse:
Fotos, Fotos & nu mehr Fotos hasts ba eana... do sans Profis & d Arbeita san natürlich a richtige Models...
Damit olle Leid des a zu sehn griang wiad vü auf Instagram gepostet & a beim Blog gebn se sie vü Mühe, damit der sche gestaltet & a mid Fotos ausgestattet is, damid ma sie in Text a bessa vorstöhn kau
Team Superfood:
Pizzabrötchen gengan imma! - a echtes Superfood
Mit denen san heid olle fleißigen Helferlein versorgt woan! Dank dem Team, des sie de Mühe mocht & imma schaut das olle gestärkt san.
Team Obstler:
Ahhh, wia san richtig stoiz!
Scho ca. 30 Bam san midn gelben Band versehen! Do hods Team Obstler scho a gscheid guade Arbeit gleist & weida is glei gaunga zu weiteren Bauern!
Tja, liebes Tagebuch...
Wia höfn afoch zaum & somit wiad des wieda a erfolgreiches Projekt! A supa Vormittog woa des!
________________
Tag 2–> WEITERES
Liebes Tagebuch...
Vü hobn ma am Vormittog erledigt, oba trotzdem geht de Gaudi am Nochmittog glei weida...! Und es is wieda einiges passiert...
Aiso a klans Update!
Team Holzwürmer:
Yeah!! Da Zaun is fertig! Es is echt scho vü gschofft! & sogar die Spielgeräte san scho gstrichn woan... Ready zum Probesitzen is a scho da Tisch mit de zwa Bänke & weils afoch fleißig woan hobns sogoa nu des Schild mit dem Namen vom Projekt zaumbrocht...
Team Medienmäuse:
Wie ma siacht is d Instagram Story überfüllt mit Bilder, Videos & Updates... des hobna wieda unsaren Medienmäusen zu verdanken!
Team Obstler:
S gelbe Band is eana ausgaunga! Wuhuuu!! Waun an wos ausgeht is natürlich eigentlich nie wiakli supa... oba bam gelben Band is logischaweise richtig guad, da scho extrem vü Bäume markiert san, va denen ma sie Obst nehma kau..
D Ideen, um Bauern zu überzeugen, san eana Gott sei Dank ned ausgaunga & se hobn nu vü weitere Bäume, de markiert werdn soboids Nachschub vam Bandl griang
Team Superfood:
Fia de tolle Arbeit, wean unsre Teams wieda belohnt... vam Team Superfood des an Wurstsalat vorbereitet hod!
Gekochte Eier gibts a nu...
Wei wie d Anna mand „I muas schaun, dass i a bissl Nährstoffe in de Leid einibring, ned nua Knacker“, aiso des Team schaut echt, dass uns guad geht & dass ma sogoa gsund lebn
So jetzt zua Frog?
Wos va unsara To-Do Liste do oben is scho erledigt?
✔️da Holzzaun
✔️die Spielgeräte san gschliffn und gstricha
✔️Jause& Rastplatz
✔️Die Sandkiste
Boah, liebes Tagebuch...
...des is echt scho einiges! Es woa a erfolgreicher & vorallem lustiger Tog...
________________
Tag 3 -> FEINSCHLIFF
Liebes Tagebuch...
Da letzte Tag is scho wieda aubrochn... de Zeit vergeht wirkli wie im Flug… Heid is scho wieder der Tag, der Präsentation.
Um 7:00 homa sie wieder zum gemeinsamen Frühstück troffn...
Danoch homa, damids a gmiadlich wiad, Bänke fia d Präsentation koid.
Team Holzwürmer:
De letzten Feinschliffe bei der Sitzbank wurden erledigt & de Bienen fian Zaun wurden ausgeschnitten & sche gestaltet.
Team Obstler:
De neuen Bänder hod unsa Vizebürgermeisterin erfolgreich brocht & sofort is weida gaunga & de restlichen Bam san a nu damid versehen woan.
Team Medienmäuse:
Präsentation steht vor da Tür & do hods nu einiges zu erledigen gebn... & a bam Blog is nu wos gmocht woan.
Team Superfood:
Sogoa aus Restln kau des Team einiges zaubern.. a klans buffet bestehend aus Kuchen, Wurstsalat & Pizzabrötchen...
Jo, liebes Tagesbuch...
Da olle de letzten Stunden so fleißig woan & ma insgesaumt so guad zaumkoifn hom, woa dea Tog ned so stressig & wia hom sie guad auf d Präsentation einstimmen kinna...
________________
Tag 3–> PRÄSENTATION!
Liebes Tagebuch...
Und endlich woas so weit, a lachendes & a weinendes Auge... Wia san fertig!
Es woa wieda a extrem lehrreiche Zeit, de uns a olle ois Landjugend wieda extrem zaumgschweißt hod, owa natürlich sama a froh, dass ma fertig san & unsa Ziel erreicht hom.
Um 12:45 san scho de ersten Leid kema... Do woa natürlich scho ois fix & fertig vorbereitet...
Wia woan a wetterfest untawegs und hom Pavillons aufgstöd.
Leid ba denen ma sie bedanken woin, dass extra kumma san & sie augschaud hom, wos ma aufbaut hom san:
• Natürlich unsa liebe Vizebürgermeisterin Monika Fürst, ba dera ma sie überhaupt afoch fia de gaunzen Bemühungen & fia de Unterstützung bedanken woin!
• Beim Christoph Schachermayr, der bam Gemeinderat tätig is!
• Beim Reinhard Gölzner vo da NÖN!
• & Ba de Besucher vam Bezirk Haag: Michael Kaltenbrunner, dem BZ- Obmann, da Christina Pilgrab, da Bezirksleiterin & ba da Stv- Leiterin Elisabeth Reissner!
Owa Gfreid homa sie afoch über jedes Gsicht, des ma ba unsara Präsentation gseng hom.
De Präjektpräsentation vo „Die drei S: sorglos- sicher- spielen“ hom unsa Obmann Flo Grünling & unsa Leiterin Kathi Grünling koidn.
Ajoo & essen derf natürlich a ned fehlen... gebn hods Bosna & Würstl.
Dabei hom olle Mitglieder midkoifn & ausgschenkt, damid a wiakli jeda versorgt is.
S Medienteam hod währenddessen wieder fleißig Fotos geknippst & Videos gmocht, damit auf Instagram & Co a olle am neichesten Staund san.
Daun haum ma a riesen Freid & riesen Überraschung ghobt...
UNSA BÜD HOD AM MEISTEN LIKES KOPT UND WIA HOM DES GEWINNSPIEL VOM ORF NIEDERÖSTERREICH GWUNNA!!!
& so kinna ma zur langen Nacht der Volksmusik! Wia gfrein sie scho!
Danoch woa a gemütlicher Ausklang mit traschten & wie olle Besucher in Heimweg angetreten hom, hom wia nu ois in Ordnung brocht & fleißig zaumgramd.
Ach Tagebuch... & scho is des ois wieda um...
Es hod Freude, Stress, Ehrgeiz, Anstrengung gebn.. & es woa a riesen Erlebnis.
Wia hom wieda wos erreicht eis Landjugend... deshoib DANKE AN ALLE, fia des erfolgreiche & aufschlussreiche Wochenende!
Bis zum nächsten Mal!!
________________
