Helfer
Stunden
Projekt
Projektübergabe
Waunst aufiradlst ins Gadenweit - verbringst am Mostbrunnen a scheene Zeit
Beim Projektmarathon 2025 san wir dabei,
in 42,195 Stunden is dann ois schau wieda vorbei.
Um 16 Uhr woas heit soweit,
wia haum si so richtig auf unsa Projekt gfreit.
De Sabrina hot uns schene Leiwal brocht,
und hot gsogt „Des hot nu a jeda gschofft!“
A Platzal soima mocha fia de de wos gern Radl foan,
drum is unsa Projekt da Mostbrunn woan.
Donn hauma unsa Socha gschnappt,
und der Herr Bürgermeister hot uns den Projektplatz zagt.
Unsere Mädls haum si glei an Projektnamen üwalegt,
und unsare Burschen haum mit de Bagger-Arbeiten losglegt.
Waunst aufiradlst ins Gadenweit - verbringst aum Mostbrunnen a schene Zeit!
Freitag Abend
De Sunn geht unter, des hoit uns ned auf - da Scheinwerfer leicht nu laung auf unsa Projekt drauf!
Freitag aum obnd voller Energie
fad wird uns bei dem Projekt sicha nie.
Des Loch fian Brunnen wiad ausaghom
do mias ma unsare Burschn loben.
De Brunnenringe hauma a glei gsetzt
do samma schnö mim Bagger hergfetzt.
Olle höffan zaum bis in die Nocht
ba uns wird gschaufelt, goaweit und fü glocht.
Draußen wiads zwoa scho a bissi koid
owa weima zaumhöfan sammas boid.
Unsa Motto is gaunz kloa
wos ma heid nu schoffan is moang ned zum doa!
Samstag Vormittag
Die Oawat hod daut bis ind späte Nocht - owa wir werkan weida mid vereinter Kroft!
Da Mostbrunn losst sie ned aufstöhn vo alla,
drum samma heid scho um 7 da.
Zimmerer, Maurer und Schlosser san ba uns gfrogt,
drum haum olle mit aubockt.
Verhungern dama do heroben sicha ned,
weil de Gemeinde Gresten Land scho mid da Jause bereitsteht.
Ned nur für de Radlfohrer soima a Platzal mocha,
sondern a für die Insekten a Heisal schoffa.
Damits ihr kinnts eicha Radltour dokumentieren,
weama heid in Fotospot montieren.
Weil da Käfer aum Sonntog ned offen hod,
woama heid scho Blumen kaffa wei moang was zspod.
De Mentscha schoitn ernare kreativen Köpfe ein,
weil moang sois guad ausschaun und fertig sein.
Bam Spreitzer in da Werkstatt deaf ma a a weng wos doa,
des passt uns guad weil mia haums abbinden vor.
A boa san ba die Metallprofis eiquatiert,
do hoff ma das unser Radlständer wos wiad.
Da Rest hod ba unsan Mostbrunn zdoa,
damit er nu hoit viel Joah.
Samstag Nachmittag
Wia oawatn bis d`Sunn untageht - laung dauts nimma und unsa Platzal steht!
Um zwöfe woas daun soweit,
es haum sie olle üwas essn gfreit.
Noch da Stärkung haum de Buam wieda augfaunt ins renna,
und de Mentscha dan Hoizbrettl brenna.
Hoiz streicha, Stoana leng und Hittn baun,
de Gemeinde schenkt uns eana Vatraun.
An lustige Spiele hauma a glei docht,
wos unser Kleansten a muaz Freid mocht.
Unsa Mischmaschien rennt in ana dua,
weil de Buam haum nu long ned gnua.
Nochn Brunnen ummauern und Pfloster leng,
san schau a boa Leid ois Besucher do gwen.
2.Nachtschicht
Die Nocht is do owa schlofa geh dama ned - wia oaweitn weida bis de Sonne wieda aufgeht!
Da Bodn untam Brunnen soi Pflostat sei
drum setz ma jez laungsam stoa fia stoa ei.
Unsa Hittn steht jez a scho do
wauns daun aufgsetzt is samma olle froh.
A haufa Bretter is fa de Mentscha gstricha woan
fad wiad ba uns nämli sicha koan.
Wos gaunz wos bsundas is unsa Bilderrahmen
der hod de Form vo an Herzal drum bitte locha und umarmen.
De Schlosser kemman mid an vollen Anhänger dahea
de Freid aun unsam Projekt wird imma mehr.
De Dächer decken sie a ned von alla
drum sama scho mit de Dachziegel da.
Des Projekt nimmt immer mehr Form an
morgen is daun nu da Feinschliff dran.
Sonntag Vormittag
Gaunz in da fria sama wieda ins Gardenweit krocht - heit wiad des Projekt fiade gmocht!
Da letzte Tog is angebrochen
es san zum doa nu gaunz viele Sochen.
Da Korb gheat jetzt in den Brunnen einidau
do san grod unsare Schlossa drau.
Des Pflosta wiad jezt fertig gelegt
olle san scho aufgeregt.
Am Schluss wird olles nu hübsch dekoriert dafia hauma extra Blumen aufagfiat.
Des Ende naht, boid is vabei
hoffentlich san ba da Präsentation vü leid dabei.
Projektpräsentation
Da Mostbrunn steht do de Hittn a - zur Präsentation san de Besucher scho mim Radl da!
Da erste Most is im Brunnen unten
des Projekt hod dauert viele Stunden.
42 Stund hört sie noch wenig au
owa des is a Wahnsinn wos ma do draus mocha kau.
De Gemeinde gfreit sie scho laung drauf
endlich foan de Radlfoara ohne Durst noch Haus.
Unsa Lj- Mostbrunnen is fia olle gmocht
aun Jung und oid is natürlich gedocht.
A schens Projekt hauma gemeinsam gmocht
dabei fü glernt, glocht und unglaublich fü gschofft.
