Nicht mehr auf dem Holzweg - wir gestalten den Waldlehrpfad neu
Wir, die Landjugend Lichtenegg, mochn den Kindern a Freid
und gestalten Infotafeln fürn Waldlehrpfad seit heit.
Damit wir die Herzn der Kinder erwärmen
indems am Weg zum Waldspielplatz a wos lernen.
Drum pock ma ole gemeinsam au,
damits des Wochenende a wos gscheids wern kau!
Freitag Abend
Hunger Hunger Hunger
Am Freitagobend um 5 wurdn ma gerufen
um in da Fanny ihra Hittn zu schuften.
Wir hom gockert wie die Wüdn
um an Prototyp fertig zu büdn.
Huiz ghuit, Vorbereitungen troffn
um am Ende zu hoffn dass ma is Projekt in 42 Stunden fertig schoffn.
Nach longan umanond doa wie die Prototypen kean
homa uns schließlich a Pizza vadeant.
Jetzt samma miad und dan schlofn gehn
um am nächsten Tog um 7 wida do zum stehn.
Samstag Vormittag
Fanny wo san die Eier?
Frisch und munter hom ma gstartet,
und hom sie erst amoi a Eierspeis einigschwartet.
Die Hobler san fleißig am hobeln,
und die Blogger tuan dawö weiter knobeln.
Die an hom geleimt
und die ondan gereimt.
Is Socialmediateam is am Tiktok dran,
wia di gaunzn Spähne fliagn und wegwahn.
Donn hom ma si natiarlich a pause gegönnt,
und wurden mit leckeren Semmeln verwöhnt.
Brettln zsaumzwickt und zua Tafel zuwipickt
hom ma in Vormittog gschofft gschickt.
Samstag-Nachmittag
ein Männlein steht im Walde
Am Nachmittag homma die Tofin fertiggestellt,
und san schnurstracks zum Waldspielplatz geschnellt.
Eini in wong homa di Schüdln,
und san weggfoahn mit die Büdln
und wia drauf, wie die Wüdn.
Angekommen im Woid,
haun ma di Steckn eini in Spoit.
Zaumgramt die Saundkistn, Äst weggfegt,
und damit den Kinder an schenan Weg zum Spüplotz glegt.
Sonntag
wo san unsere Bam
Ah am Sunntog homma no Schilder aufgstöt,
weil ah boa hom uns no gföt.
Owa so afoch wor des ned,
weil ba uns im Woid fost nur die Kiefer steht.
Nach gefühlten 120km woarn ma daun ah soweit,
und hom ins scho auft Präsentation gfreit.
Do homma gricht ah Mehlspeise und Getränke gaunz fü,
damit des ois wird ah leiwandes Spü.
In Lichtenegger homma unsa Werk daun präsentiert,
und sei dabei über die letzten boa Tog informiert.
Zwischen Tränen und Freude woar ois dabei,
des zwischen uns Mitgliedern muas jo wirklich echte Freundschaft sei.
Summasomara kauma song,
no 42h im Stress dama uns olle imma no lieb hom.
Damit song ma danke, tschüss und pfiat eich,
wir seng eich im Woid wo unsare Tofln san neich.
Zusatzaufgabe und Infos :)
alt und rostig - ned ba uns
Natili homa auft Zusatzaufgob ned vergessen,
weil dei homa ah mocha messn.
Die Projekte fa die Vorjahre wieder ah bissl renovieren,
und ebba neiche Bretter und Schrauben dabei montieren.
Des woar fia uns gor ka Problem,
weil des ois eigentlich hot ausgschaut no schen.
Boar Klanigkeiten homma trotzdem gmocht,
damit des ois wieder guad ausschaut homma uns docht.
Unnd no ah klane Info gaunz zu Schluss,
die Videos und Bilder auf Insta zum auschaun is a muss.
Do hom sie unsare Menschta wirkli bemüht,
und sie beim Videosschneiden gespüt.
Drum hauri eich in Insta Link no dazua,
damits hiaz hobs zum Fotoschaun gmua.
